Hasiera Partikularrak Eguneroko gestioa Urruneko banka Mugikorreko alerten zerbitzua

URRUNEKO BANKA Mugikorreko alerten zerbitzua

Mugikor bidezko mezularitza-zerbitzua. Laboral Kutxak zure kontu eta txarteletan izandako mugimendu garrantzitsu bakoitzaren berri emango dizu.

BERRIA !!!

ALERTAK JASOTZEKO KANAL BERRIA: Orain, SMS bidez ez ezik, Laboral Kutxaren APP berriko jakinarazpen bidez ere jaso ditzakezu mezuak.

Jakinarazpen horiek jasotzen hasteko: Deskargatu edo eguneratu Laboral Kutxaren APPa eta, Banka Mugikorraren erabiltzaile gisa identifikatu ondoren, agertuko zaizun lehen pantailan, onartu jakinarazpenak jasotzea.

DOAN proba ezazu lehen 6 hilabeteetan (Sustapenetik kanpoko kostua: 3 € seihilekoan).

JASOKO DITUZUN MEZU MOTAK

Segurtasun-mezuak bidaliko zaizkizu mugikorrera, honako kasu hauetan:

Zure txartelarekin atzerrian edo Interneten egindako erosketak 100 €-tik gorakoak direnean
Gainontzeko saltokietan zure txartelarekin egindako erosketak 300 €-tik gorakoak direnean
Kutxazainetan 300 € euro baino gehiago ateratzen direnean txartelarekin edo 100 € baino gehiago atzerrian
Online Bankaren bidez egindako transferentziak edo transferentzia-saioak 1.000 €-tik gorakoak direnean
Kutxazainean egindako transferentziak 300 € eurotik gorakoak direnean

Honako hauek jakinarazteko mezuak ere jasoko dituzu:

Zure nomina edo pentsioa jasotzean(200 €-tik gorako zenbatekoa). Berria
Ordainagiria kargatu bezperan, kontuan ez badago nahikoa saldo. Berria
Ordainagiriak edo txekeak zorduntzeko daudela, saldorik ez dagoelako.
Zure kontuan 120 €-ko edo gehiagoko ordainagiri bat edo gehiago kargatzen denean. Berria
Zure txartelaren mugaren % 80 agortu duzula, muga handitzeko aukera izan dezazun.
Zure kreditu-txartelen muga gainditu duzula.
Zure txartelekin kontsumitutako zenbatekoa laster fakturatuko dugula.
Txartela laster berritu behar duzula.10 egun lehenago ohartaraziko zaitugu.
Kontuan saldo-falta duzula.
Baloreak salerosteko agindua erabat edo partzialki burutu dela.
Baloreak salerosteko agindua baliogabetu egin dela, epea amaitu delako.
Haizea, ekaitza, elurra, euria eta muturreko tenperaturak direla-eta zure etxe inguruan alerta laranja edo gorririk baldin badago, 24/48 orduko aurrerapenez iritsiko zaizu alerta (Seguros Lagun Aron etxe- edo auto-asegurua duten bezeroentzat). Berria

ZERBITZUA KONTRATATZEA

Alerta-zerbitzua aktibatu eta eroso-eroso gestiona dezakezu Online Bankaren bidez, edozein bulegotan edo Telebankara deituta 900 929 029 telefonoa)

Zerbitzua aktibatu bezain laster, SMSak jasotzen hasiko zara Laboral Kutxaren APPko jakinarazpenen bidez alerta-mezuak jasotzen hasteko, APParen bidez Banka Mugikorrean sartzen zaren hurrengoan agertuko zaizun testua onartu besterik ez duzu egin behar.

BESTE EZAUGARRI BATZUK

Zerbitzu honetan askatasuna duzu zer alerta jaso nahi duzun, zer ordutan eta zer kopurutatik gora aukeratzeko. Era berean, mezuak jasotzeko kanala ere aukera dezakezu.

Besterik gabe sei hilean behin 3 euro ordainduta, segurtasun handia emango dizu txartel bidezko transakzioetan, urrutiko bankakoetan eta gainerako eragiketetan.

Orain, doan probatu ahal duzu lehen 6 hiletan.

Galderak

Zer da Mugikorrerako Alerta zerbitzua?

Euskadiko Kutxak zure kontu eta txartelen mugimenduen berri emateko eskaintzen duen mugikorrerako mezularitza-zerbitzua da. Zure telefono mugikorrean SMS mezuak jasoko dituzu zuzen-zuzenean.
Zer alerta mota jasotzen ditu zerbitzuaren erabiltzaileak?
Honako hauek jakinarazteko mezuak bidaliko zaizkizu:
- Zure txartelaren mugaren % 80 agortu duzula eta muga handitzeko aukera duzula.
- Zure kreditu-txartelaren muga gainditu duzula.
- Txartelekin gastatutako zenbatekoa laster fakturatuko dizutela.
- Txartelak laster berrituko dizkizutela. Abisua 10 egun lehenago jasoko duzu.
- Kontuan saldorik ez duzula.
- Baloreak salerosteko agindua osorik edo partzialki burutu dela.
- Epea amaitu delako, baloreak salerosteko agindua baliogabetu egin dela.
- Kutxazainaren bidez 300 €-tik gorako transferentziak egin direla.
Gainera, segurtasun-mezuak bidaliko dizkizute mugikorrera, honako kasu hauetan:
- Atzerrian txartelekin edo Interneten bidez 100€-tik gorako erosketak egiten direnean.
- Gainerako saltokietan 300 €-tik gorako erosketak edo erosketa-saioak egiten direnean.
- Kutxazainetan 300 €-tik gorako kopuruak ateratzen direnean (edo 100 €-tik gorakoak, atzerrian).
- CLNeten bidez 1.000 €-tik gorako transferentzia edo transferentzia-saioak egiten direnean.
Kasu horietan, txartelak eta CLNet zerbitzua blokeatzeko aukera eskaintzen zaio erabiltzaileari.

Horrez gain, autonomoa bazara, ondorengo hauek jakinarazteko mezuak ere jasoko dituzu:
- PRO kontuan 600 eurotik gorako ordainketak egin direla.
- PRO kontuan 300 eurotik gorako karguak egin direla.
- Zure kontuan saldorik ez dagoela-eta ordainagiriak, letrak, txekeak edo autonomoen kotizazio-ordainagiriak kobratu gabe geratu direla.
Nola kontratatu behar da zerbitzua?

Zerbitzua CLNeten bidez (Mugikorrerako Alerta Zerbitzua/Kontratatu zerbitzua), sukurtsalean edo Telebankaren bidez (900 929 029) kontrata dezakezu.
Zenbat balio du zerbitzuak?

Sei hilabetez proba dezakezu, guztiz doan. Denboraldi hori igarotakoan, zerbitzuaren mantentze-kostua sei hilean 3 €-koa izango da. Autonomoentzat, zerbitzuaren kostua sei hilean 5 €-koa izango da eta, kasu horretan ere, lehen 6 hilabeteak doakoak izango dira.
Nola egin behar dut mugikorraren zenbakia aldatzeko?

Mezuak jasotzeko telefono mugikorraren zenbakia CLNeten bidez alda dezakezu (Mugikorrerako Alertak/Aldatu). Zentzu horretan, segurtasun-neurri osagarri gisa honako hau argitu beharra dago: zenbaki-aldaketa zerbitzu horren bidez egiten baduzu, aldaketa gako baten bidez sinatu beharko duzu, eta gako hori gure datu-basean dugun telefono mugikorraren zenbakira bidaliko dizugu.

Era berean, sukurtsalean edo Telebankaren bidez (900 929 029) ere alda dezakezu zenbakia.
Zergatik ez ditut SMS mezuak berehala jasotzen?

Mezuak jasotzeko lehenetsitako ordu-tartea 10:00etatik 20:00etara bitartekoa da, baina bezeroak nahierara egoki dezake tartea. Nolanahi ere, tarteak, gutxienez, 2 ordukoa izan behar du.

Bezeroak ezarritako ordu-tartea edozein dela ere, informazioa ez ezik segurtasuna ere ematen duten alertak berehala igortzen dira.
Alerta batzuek segurtasuna ematen diote bezeroari bere eragiketetan. Zein dira alerta horiek? Nola funtzionatzen dute?
Finantza-eragiketen inguruko informazioaz gain segurtasuna ere ematen duten alertak honako kasu hauetan jasoko ditu bezeroak:
- Atzerrian txartelekin edo Interneten bidez 100 €-tik gorako erosketak egiten direnean.
- Gainerako saltokietan txartelekin 300 €-tik gorako ordainketak egiten direnean.
- Kutxazain nazionaletan 300 €-tik gorako kopuruak ateratzen direnean (edo 100 €-tik gorakoak, atzerrian).
- CLNeten bidez 1.000 €-tik gorako transferentziak edo transferentzia-saioak egiten direnean.
Txartelekin egindako eragiketekin zerikusia duten alertek Visa blokeatzeko aukera eskaintzen dute. Horretarako BLK bidali behar da 217377 zenbakira, SMS mezua jaso bezain laster.

CLNet bidez egindako eragiketekin zerikusia duten alertek CLNet zerbitzua blokeatzeko aukera eskaintzen dute. Horretarako BLI bidali behar da 217377 zenbakira, SMS mezua jaso bezain laster. Orobat, alertaren jatorria beste entitate bateko kontuan ordaindutako transferentzia bada, eragiketa ezeztatu egiten da.
Alerta-zerbitzuaren bidez txartela blokeatzeko eskatuz gero, ezeztatu egingo da Visaz egindako ordainketa?

Saltokietan egindako ordainketak edo kutxazain nazionaletan ateratako kopuruak 300 eurotik gorakoak badira (100 eurotik gorako ordainketak edo diru-ateratzeak atzerrian edo Interneten bidez), erabiltzaileari eragiketa horien berri ematen zaio SMS bidez, eta Visa blokeatzeko aukera eskaintzen zaio, 217377 zenbakira BLK bidaliz.

Horrela, SMS mezuari esker, bezeroa ohar daiteke bere txartelaren bidez beste norbait ari dela eragiketak egiten eta Visa blokeatzeko eska dezake. Hala ere, txartelaren bidez egindako ordainketa ez da ezeztatuko; horretarako, sukurtsalarekin gestionatu beharko da ordainketa atzera botatzea.
Alerta-zerbitzuaren bidez CLNet zerbitzua blokeatzeko eskatuz gero, ezeztatuko da lineako bankaren bidez egindako eragiketa?

CLNeten bidez 1.000 €-tik gorako transferentziak edo transferentzia-saioak egiten badira, SMS bidez jakinaraziko da eta zerbitzua blokeatzeko aukera eskainiko da. Horrela, bezeroa ohar daiteke eragiketa beste norbait egiten ari dela eta, telefonoaren bidez, CLNet zerbitzua blokeatzeko eska dezake.

Alerta sorrarazi duen eragiketa beste entitate batera egindako transferentzia bada, eragiketa ere automatikoki ezeztatuko da. SMS mezuaren eragilea Euskadiko Kutxako beste kontu batera egindako transferentzia bada, xede-kontuko sarrera berehalakoa denez, ezinezkoa da automatikoki ezeztatzea; horretarako, sukurtsalarekin edo CLNeteko bezeroaren Arreta Zerbitzuarekin (900 929 029) gestionatu beharko da eragiketa atzera botatzea.