Istripuak Optimoa

Hasiera Partikularrak Aseguruak Istripu-aseguruak Istripuak Optimoa

Asegururik osatuena eta malguena

Zerorrek aukera dezakezu zure eta zeure familiaren zirkunstantzia pertsonalen arabera gehien interesatzen zaizun berme eta kapitalen arteko konbinaziorik egokiena. Zure lanbidea eta egiten dituzun bidaiak eta kirola edozein direla ere, zure premietara egokituko gatzaizkizu.

Heriotza, berme zabalak barnean hartuz:

Baliaezintasun iraunkor partziala, baremoaren arabera, eta absolutua
Baliaezintasun iraunkor absolutua
Baliaezintasun iraunkor osoa
Laneko baja
Ospitaleratzea
Osasun-gastuak

Eta zirkulazio-istripua izanez gero:

Heriotza.
Baliaezintasun iraunkor partziala, baremoaren arabera, eta absolutua.

Abantailak
Gure istripu-aseguruaren abantailak
- Gabealdirik gabe aseguruaren estalduran
  Kontratuan asegurua indarrean jartzeko ematen den datatik aurrera, polizak eta berme guztiek erabateko indarra izango dute, eta aseguruarentzat kontratatutako iraupenaren barruan egiten den edozein prestazio-erreklamazio hartuko da kontuan.
- Estaldura mundu osoan, eguneko 24 orduetan.
- Malgutasuna:
  - Zerorrek aukeratuko duzu kapital aseguratuaren modulua, nahi duzunean aldatzeko aukerarekin, zuk eta zure familiak aseguratzeko dituzuen premien arabera.
  - Onuradunak libreki izenda dezakezu, eta nahi duzunean aldatu.
- Eroso ordaintzeko aukera
  Zure premien arabera zatitu ahal izango duzu aseguruaren urteko primaren ordainketa, eta ordainketa-modu hori ere, zure premiak aldatu ahala, aldatu egin ahal izango duzu asegurua indarrean dagoen bitartean.
- Gardentasuna.
  Zure esku jartzen ditugu Baldintza Orokorrak, hau da, asegurua erregulatzeko erabiliko diren oinarrizko alderdi nagusiak ezartzen dituen dokumentua, eta, Baldintza Partikularrekin batera, poliza edo aseguru-kontratua eratzeko balioko dutenak.

Erregistro Administratibo Berezian OV-0072 gakoarekin inskribatutako Caja Laboral Bancaseguros SLU banku-aseguruen operadore lotetsiaren bitartekaritzako asegurua. Erantzukizun Zibila eta Finantza Gaitasuna indarrean dagoen legediaren arabera estaliak. Arriskuaren aseguratzailea: Seguros Lagun Aro, S.A. Informazio-oharra

Itzuli

Estekak

Galderak

Asegurua zatika ordain dezaket?

Aseguruaren primak urtean behin kobratzen dira, baina erosoago ordaintzeko, zure beharren arabera ordainketa zatitu ahal duzu. Gainera, urtero zatika ordaintzeko era hori aldatu ahal izango duzu, zure beharrizanak aldatu ahala.
Zer komeni zait, Bizitza edo Istripu Asegurua?

Hori zure familia-egoeraren araberakoa da: kargak, hipotekak, eta beste faktore batzuen araberakoa, esaterako, adina, lanbidea edo egiten dituzun kirolak, ibilgailurik erabiltzen duzun, maiz bidaiatzen duzun, etab. Azken batean, zure lehenespenen eta ordaintzeko prest zauden kopuruaren arabera dago. Esan dezakegu istripu-asegurua gutxieneko asegurua dela, eta horrekin, gutxienez, kontingentzia profesionalak estaltzen dituzu, betiere, horiek badira zu kezkatzen zaituzten bakarrak. Baina, aukera guztiak estalita eduki nahi badituzu, bizitza-asegurua da gaixotasuna eta istripua batera estaltzen dizkizun bakarra, bai heriotzarako, bai baliaezintasunerako.

Adibide bat:
Seme-alabak eta hipoteka bat izanez gero, heriotza gertatuz gero zure familia estaliko dituen bizitza-aseguru bat gomendatzen dizugu.
Familia-kargarik ez baduzu, baina ezintasun baten aurrean zure etorkizuna estaltzeak kezkatzen bazaitu.
Laburbilduz, zure egoera pertsonalaren eta familiakoaren arabera, aseguru bat edo beste bat komeniko zaizu. Gure aholkua nahi baduzu, idatz iezaguzu
Zer jotzen da Istriputzat?

Aseguratuaren borondatezkoa ez den kanpo-gertakari bortitz eta bat-bateko baten zuzeneko ondorioengatiko edozein gorputz-lesio.
Zein da Baliaezintasun Iraunkor Absolutua?

Kapital bat bermatzen da, edozein lan-jarduera edo jarduera profesional egitea eragozten duen baliaezintasun iraunkor eta atzeraezin baten kasuan.

Bizitza-aseguruen kasuan, estalita geratzen da gaixotasun- edo istripu-kasuan. Halaber, istripu edo zirkulazioko istripuen kasuan kapital kontratatua bikoizteko edo hirukoizteko aukera izango duzu.

Istripu-aseguruaren kasuan, kapitala bikoizteko aukera izango duzu zirkulazio-istripua izanez gero.
Zer da Baliaezintasun Iraunkor Osoa edo Profesionala?

Egoera fisiko atzeraezina, ohiko jarduera profesionalarekin edo lanekoarekin jarraitzeko aukerarik ematen ez duena.
Zer estaltzen du Baremoaren araberako Baliaezintasun Iraunkor Partzialak?

Kontratatutako kapitalaren ehuneko bat, gorputz-lesioaren eta ondorioen araberakoa, polizan ezarritako Baremoarekin bat datorrena, edozein dela lan-harremana.
Zein adin arte kontrata dezaket Istripu-poliza bat?

Istripu-poliza bat 65 urtera arte kontrata daiteke. Adin horretan soilik heriotza-estaldura kontrata daiteke.

Poliza lehendik kontratatua badugu, Baliaezintasun Iraunkor Absolutuaren estaldura eta gainerako estaldura osagarriak automatikoki etengo dira aseguratuak 65 urte betetzen dituen urtaldia amaitzean. Poliza automatikoki etengo da Aseguratuak 70 urte betetzen dituen aseguru-urtaldian.
Zein izan daiteke nire polizaren onuraduna?

Bizitza- eta istripu-aseguruetan, zuk hautatzen duzun edonor izan daiteke, betiere, hipotekarik ez baduzu. Halakoetan, onuraduna bankua da. Behin mailegua kitatutakoan, libreki izenda daiteke onuraduna.
Zer estaltzen dit ospitaleratzeagatiko kalte-ordainaren bermeak?

Polizak estalitako istripu baten ondoriozko ospitaleratze-egun bakoitzeko kalte-ordain bat jasotzeko eskubidea ematen dizu.
Ba al dago autonomoentzako aseguru berezirik, prestazioak hobetzeko?

Bai, aseguratzaileek ezagutzen dugu autonomoen egoera, eta horregatik produktu esklusiboak eskain diezazkizukegu, egoera bakoitzari egokitzen zaion aholkularitzarekin.
Aseguru ohikoenak eta eskari handiena dutenak aldi baterako ezintasuna estaltzen dutenak dira, eguneko baja esaten diegunak hain zuzen. Halaber, bereziki gomendatzen ditugu bizitza-aseguruak eta istripu-aseguruak, zure lan- eta familia-bizitzari lasaitasun eta egonkortasun handiagoa emateko. Aurrezteko eta erretirorako konponbide egokiak ere badaude.
Edonola ere, autonomoaren egoera da gako-faktorea produktu bat ala bestea aukeratzeko garaian. Zalantzarik gabe, aholkularitza pertsonalizatua beharrezkoa da pertsona bakoitzarentzat konponbide egokiena aurkitzeko.
Guk aholkularitza-zerbitzu hori eskaintzen dizugu. Hasteko, autonomo bezala duzun egoeraren diagnostikoa egiten dugu Orienta Zerbitzuan, eta bertan gure aseguruetako adituak esango dizu nola komeni zaizun gehien aseguratzea. Ikusi autonomoentzako ditugun aseguruak (Eta lotu autonomoen subhome-rekin).
Hitzarmen Kolektibo batek langilearentzat estaldurak ezartzen baditu heriotza/baliaezintasun/istripu kasuetarako, sor al dezake enpresak barne-funts bat kontingentzia horiei aurre egiteko?

Ez, legez nahitaezkoa da estaldura hori aseguru-etxe baten bidez kanporatzea.
Sar al daitezke hitzarmen kolektiboak ezarritakoen desberdinak diren estaldurak eta/edo kapitalak?

Bai, betiere Hitzarmenak ezarritako nahitaezko gutxienekoak hobetzen baditugu. Adibidez, Hitzarmenak edozein kausagatiko Heriotza eta Baliaezintasun Iraunkor Absolutua 15.000 euroko zenbatekoarekin aseguratu behar direla ezartzen badu, Ezintasun Iraunkor Osoa bermea gehitu ahal izango dugu polizan, edo kapital handiagoak estali eta/edo kapitalak bikoiztu istripuen kasurako.

ISTRIPUAK OPTIMOA

Posta elektronikoz edo telefonozaholkatuko zaitugu:

Posta elektronikoz edo telefonoz
aholkatuko zaitugu: