Hasiera Partikularrak Aseguruak Ezbeharra gertatuz gero

Aseguruak Ezbeharra gertatuz gero

Nola eman parte

Telefonoa 900 380 838 orduz eta 365 egunetan

Gorde zenbakia zure mugikorrean, beti eskura edukitzeko.

Honetan gure laguntza izango duzu:

Ezbeharren deklarazioa
Errepideko laguntza
Etxeko laguntza
Komertzioetako eta Negoziorako laguntza
Beirak haustea

Gure Online Bankaren zerbitzutik. Eraman sukurtsala nahi duzun tokira.

Zure Banka Mugikorrarekin. Zure sukurtsala mugikorrean, edonon zaudela ere.

GURE BULEGOETAN. Aurrez aurre. Aurkitu hurbilen duzun bulegoa.

Galderak

Ezbeharra izanez gero, nora jo behar dut?

Presazkoa bada, deitu zuzenean Seguros Lagun Aroren arreta-telefonora (900 380 838). Nahiago baduzu, ezbeharraren partea gure edozein bulegotan eman dezakezu; hala, bertan aseguru-kudeatzaile batek lagunduko dizu parte ematen.
Bidaiako Laguntza behar duzu?

Ezbeharren bat izan baduzu zure ibilgailuarekin, eta Bidaiako Laguntza zerbitzua eskatu nahi baduzu, deitu zuzenean 900 380 838 telefonora. Bidaiako laguntza atzerritik jasotzeko, hau da telefonoa: 00 34 944 05 14 12.
Gure laguntza-zerbitzua zu laguntzera joango da, bai autoa bertan konpontzeko bai tailerrera eramateko; jakina, bidaideez ere arduratuko gara.
Ordezko autoaren estaldura kontratatuta baduzu, zirkulazio-istripua gertatuz gero, galdetu ea alokairu-ibilgailu bat baliatzeko aukera duzun zurea konpontzen duten artean.
Ezin duzu etxean sartu giltzak galdu edo lapurtu dizkizutelako edo ezin dituzulako erabili. Argirik gabe geratu zara etxean. Berehala eten beharreko ur-ihesa duzu etxean. Etxea babesgabe utzi duen kristal bat apurtu da.

...Etxeko Laguntzaren telefonora dei dezakezu (900 380 838), eta ahal bezain laster sarrailagile, argiketari edo konpontzaile batekin joango gara, eta zuk ez duzu ez joan-etorria ez eskulana ordaindu beharrik izango.
Adierazitako telefonora deitutakoan soilik emango dira zerbitzu horiek, eta, beraz, gomendatzen dizugu laguntza-txartela beti zurekin eramatea edo Etxeko Laguntzaren telefono hau zure mugikorrean gordetzea: 900 380 838.
Nola bete adiskidetasunezko partea?

Ezbeharraren berri emateko zuk bete eta zure aseguru-etxeari eman behar diozun dokumentu horrek asko arintzen eta errazten ditu ezbeharraren ondorengoko izapideak. Istripuetarako adiskidetasunezko parte bat eraman dezakezu beti autoan, eta hura behar bezala bete behar duzu.

Behar bezala betetzeko, eta errealitatearekin bat etor dadin, bete ezazu beste gidariarekin batera ezbeharra gertatzen den unean bertan. Biek sinatu behar duzue, aseguru-etxeek erantzukizunak zehazteko. Garrantzitsua: deklarazioa bi gidariek sinatu behar dute. Hala eta guztiz ere, deklarazioaren edukiarekin ados ez bazaude, ez sinatu, eta eskatu Trafikoko Agintariak bertaratzeko.

Idazkerak erraza eta laburra izan behar du, ia telegrafikoa. Gogoan izan aseguru-etxeek elkar ulertzea bideratu behar duela. Bete ahal duzun bezain ondoen krokisa. Adierazi kaleen izenak, ibilgailuek zuten noranzkoa, zein trafiko-seinale dagoen bertan eta errepideen egoera.

Ez ahaztu oharren eremua betetzea. Hor adieraz dezakezu “zirkunstantziak” eremuan aurreikusita ez dagoen edozein argibide, eta zure ibilgailuak edo bertan zeneramatzan ondasunek izandako kalteak jar ditzakezu.

Parte-mota hau gidariek sinatzen dute soilik. Ez aldatu datuak partea sinatu ondoren. Halakorik eginez gero, zure aurka erabil dezakete.
Gogoratu oso garrantzitsua dela parte-hartzaileen harremanetarako datuak adieraztea (helbide elektronikoa eta telefono mugikorra). Partearen atzealdea bete dezakezu istripua gertatu den unea igarotakoan, norbaitek lesioak izan dituen, agintariek parte hartu duten, eta abar adieraziz. Bidal iezaguzu partea, gehienez, istripua gertatu denetik 7 eguneko epean.
Beira bat hausten bazaizu

Zure autoko beira batek pitzadura bat izanez gero edo hura hautsiz gero, eta zure polizak berme hori barne hartzen badu, ez duzu parte eman beharrik izango, eta ez du eraginik izango zure hobarian. Nahikoa da 900 380 838 telefonora deitzea, eta profesional-sare zabala jarriko da abian zure beiraren kaltea konpontzeko, zure beharretara ondoen egokitzen den konponketa-zentroa zein den adierazteko, edo, ahal bada, unitate mugikor bat bidaltzeko.

Gogoratu: gure Oqueicar Beirak sarera joz gero, zure beira zure etxean bertan konponduko dugu, ibilgailua inora eramateko beharrik gabe edo parte emateko beharrik gabe.

Aurkitu Seguros Lagun Aroren tailerren webgunean hurbilen duzun Oqueicar Beirak tailerra.
Nola konpontzen ditugun ezbeharrak
Zure asegurua Arrisku Orotakoa bada

Izan duzun ezbeharra konpontzeko jarraitu beharreko urratsak zein diren adierazten dizugu:
- Deitu 900 380 838 telefonora, izandako ezbeharraren partea har diezazuten.
- Adierazi zein konponketa-tailerrera eraman duzun zure ibilgailua edo noiz eta non utziko duzun.
Gogoratu gure konfidantzazko tailer sarean abantaila garrantzitsuak balia ditzakezula: ahal bada, kortesiazko auto bat utziko dizute, lehentasuna izango duzu konponketari dagokionez, eta autoa garbituta itzuliko dizute.
- Gure peritua, gehienez, 24 ordutan bertara joango da, egin beharreko konponketak gainbegiratzeko.
- Ondoren, konponketaren zenbatekoa ordaintzeaz arduratuko gara.
Frankizia bat kontratatuta edukiz gero, haren balioa tailerrari ordaindu beharko diozu. Gogoratu: beste ezbehar batzuetako kolpeak izanez gero, ezbehar bakoitzeko frankizia bat aplikatuko da.

Istripuaren erantzukizuna beste gidariarena bada, berehala abian jarriko ditugu zure frankizia beste aseguru-etxeari erreklamatzeko izapideak.

Zure asegurua Hirugarrenentzakoa bada

Deitu 900 380 838 telefonora, izandako ezbeharraren partea har diezazuten. Istripua zure erantzukizunekoa izan bada, eta beste ibilgailu bati kalteak eragin badizkiozu, gu arduratuko gara eragindako kalte materialak nahiz pertsonalak ordaintzeaz, eta ez duzu ezertaz kezkatu beharrik izango.

Istripua zure erantzukizunekoa bada, eta kalteak zure ibilgailuak izan baditu, dituen kalteak zure gain hartu beharko dituzu.

Istripuaren erantzukizuna beste gidariarena bada, berehala abian jarriko ditugu zure kalteak beste aseguru-etxeari erreklamatzeko izapideak.

Nahi baduzu, zure ibilgailuak izandako kalteen balorazioa egin dezake gure perituak.
Zirkulazio-zigor bat jasotzen baduzu

Zirkulazio-isun bat jasotzen baduzu eta ados ez bazaude, gorde haren kopia bat.

Deitu lehenbailehen 900 380 838 telefonora, zigorrarekin, indarrean dagoen ordainagiriarekin eta zure NANarekin, isunaren erreklamazioa kudea dezagun. Zure errekurtsoa kudeatuko dugu bide administratiboa agortu arte.

Isunak gidabaimena kentzea badakar, kontsultatu ea estaldura hori kontratatuta duzun, eta ea betetzen diren gidabaimena kentzeagatik hileko sorospena kobratzeko baldintzak nahiz gidabaimena berreskuratzeko prestakuntza-ikastaroetan matrikulatzearen gastuak ordaintzeko baldintzak.
Istripu baten ondorioz zure etxebizitzak kalteak izan baditu
5 urratsetan soilik zure ezbeharra konponduta geratuko da:
- 900 380 838 telefonoan ezbeharraren partea hartuko dugu. Gainera, konpontzaile bat behar baduzu, sakatu 2. aukera. Gogoratu istripuaren arduradun edo kaltetua bazara, ezbeharra gertatu den egunetik hasi eta hurrengo 7 egunetan eman behar duzula haren berri, honako datu hauek adieraziz: izena, helbidea, harremanetarako telefonoa eta poliza-zenbakia. Gainera, ezbeharraren inguruabarren eta ondorioen ahalik eta deskribapen zehatzena beharko dugu.
- Izapidegile pertsonal bat esleituko dizugu etengabe zuri laguntzeko, eta gainerako parte-hartzaileekin koordinatuko da (konpontzaileekin, adituekin, abokatuekin, eta abar) zure behar guztiei erantzuteko.
- Ezbeharraren ezaugarrien arabera, peritu bat bidaltzeko beharra aztertuko dugu.
  Zure ezbeharraren kalteak eta estaldura argitutakoan, era pertsonalizatuan kudeatuko dugu, eta telefonoz edo SMS bidez jakinaraziko dizkizugu emandako urratsak.
  Ondoren, izandako kalteen zenbatekoa ordaintzeaz arduratuko gara, betiere, kontratatutako estaldurarekin bat, edo kalteak konpontzeko profesional bat bidaltzeaz arduratuko gara.
- Hirugarrenei kalteak eragin badizkiezu, kalte horiek ordaintzeaz arduratuko gara, eta zuk ez duzu ezertaz kezkatu beharrik edo ordainketarik aurreratu beharrik izango.
- Hirugarren batek eragindako kalteek zu kaltetu bazaituzte, konpontzaileak bidaliko ditugu ezbeharra konpontzeko, eta erreklamazioa izapidetzeaz arduratuko gara.